چنئی میں کھڑگے کی پریس کانفرنس، بی جے پی اور وزیر اعظم پر شدید حملہ

چنئی میں تمل ناڈو اسمبلی انتخابات کی انتخابی مہم کے اختتام سے قبل کانگریس صدر ملکارجن کھڑگے نے ایک اہم پریس کانفرنس سے خطاب کرتے ہوئے بی جے پی اور وزیر اعظم پر سخت تنقید کی اور متعدد سنگین الزامات عائد کیے۔ انہوں نے کہا کہ ان کی قیادت میں اپوزیشن اتحاد کو مکمل یقین ہے کہ عوام اس بار پھر سے انہیں اقتدار سونپیں گے۔

ملکارجن کھڑگے نے میڈیا سے گفتگو کے دوران کہا کہ انتخابی عمل کے بیچ وزیر اعظم کی جانب سے ضابطہ اخلاق کی خلاف ورزی کی گئی، جو جمہوری اصولوں کے خلاف ہے۔ انہوں نے الزام لگایا کہ الیکشن کمیشن نے اس معاملے میں غیر جانبداری کا مظاہرہ نہیں کیا اور اس کا رویہ ایک خاص جماعت کے حق میں جھکا ہوا نظر آتا ہے۔