جھارکھنڈ میں کھانسی کے تین شربتوں پر پابندی، بچوں کی اموات کے بعد حکومت کا سخت قدم

رانچی: جھارکھنڈ حکومت نے ریاست میں کھانسی کے تین شربتوں (کف سیرپ) کی فروخت اور استعمال پر فوری اثر سے پابندی عائد کر دی ہے۔ یہ فیصلہ ان رپورٹس کے بعد کیا گیا جن میں مدھیہ پردیش اور راجستھان میں بچوں کی اموات کی وجہ مشتبہ کف سیرپ کے استعمال کو قرار دیا گیا تھا۔

ریاستی محکمہ صحت و خاندانی بہبود کے تحت ناکوم (رانچی) میں واقع اسٹیٹ ڈرگ کنٹرول ڈائریکٹوریٹ کی جانب سے جاری حکم نامے میں کھانسی کے تین شربتوں کولڈرف، ریسپی فریش ٹی آر اور ری لائف کو غیر معیاری قرار دیتے ہوئے ان کی فروخت و استعمال پر پابندی لگانے کے احکامات جاری کیے گئے ہیں۔