پہلوان سشیل کمار کی ضمانت منسوخ، سپریم کورٹ کا ایک ہفتے میں خود سپردگی کا حکم

سپریم کورٹ نے بدھ کو دو مرتمبہ کے اولمپک تمغہ فاتح اور پہلوان سشیل کمار کی ضمانت منسوخ کر دی۔ سشیل کمار جونیئر قومی کشتی چمپئن ساگر دھنکھڑ کے قتل معاملے میں خاص ملزم ہیں۔ جسٹس سنجے کرول اور پرشانت کمار مشرا کی بنچ نے 4 مارچ کو دہلی ہائی کورٹ کے ذریعہ دی گئی ضمانت کے فیصلے کو منسوخ کرتے ہوئے سشیل کمار کو ایک ہفتے کے اندر خود سپردگی کرنے کے لیے کہا ہے۔ عدالت کا یہ حکم ساگر کے والد اشوک دھنکھڑ کی عرضی پر آیا جس میں انہوں نے ہائی کورٹ کے ضمانت کے حکم کو چیلنج کیا تھا۔

سپریم کورٹ میں اشوک دھنکھڑ کی طرف سے سینئر وکیل سدھارتھ مردل پیش ہوئے جبکہ سشیل کمار کا موقف سینئر وکیل مہیش جیٹھ ملانی نے پیش کیا۔