ٹیکری بارڈر آئی ایس بی ٹی منصوبہ فوری شروع کیا جائے، ورنہ احتجاج ہوگا: ڈاکٹر نریش کمار

انہوں نے کہا کہ یہ منصوبہ عوامی مفاد سے براہ راست جڑا ہوا ہے اور اس کے مکمل ہونے سے ہریانہ، پنجاب، راجستھان، ہماچل پردیش اور جموں و کشمیر سے آنے والی بین ریاستی بسوں کی آمد و رفت کو منظم بنایا جا سکے گا۔ اس کے نتیجے میں دہلی کے اندر ٹریفک کا دباؤ کم ہوگا اور فضائی آلودگی میں بھی نمایاں کمی آئے گی۔

ڈاکٹر کمار نے اس بات کی نشاندہی کی کہ فی الحال ٹیکری بارڈر پر آئی ایس بی ٹی کی عدم موجودگی کے باعث بین ریاستی بسوں کو شہر کے اندر داخل ہونا پڑتا ہے، جس سے شدید ٹریفک جام پیدا ہوتا ہے اور عام شہریوں کو روزمرہ سفر میں دشواری کا سامنا کرنا پڑتا ہے۔