عدالت کا منیجر سے جڑے کھاتوں کو منجمد کرنے کا حکم

عدالت نے اپنے حکم میں ایک تنظیم “مہابیر ایکوا” کو بھی ضبط کرنے کی ہدایت دی ہے، جسے سدھارتھ شرما سے منسلک بتایا جا رہا ہے۔ حکام کے مطابق اس تنظیم کے مالی لین دین اور اس کے ذرائع آمدنی کی بھی جانچ کی جا رہی ہے تاکہ یہ معلوم کیا جا سکے کہ آیا اس کا اس پورے معاملے سے کوئی براہ راست یا بالواسطہ تعلق ہے یا نہیں۔

یاد رہے کہ زوبین گرگ کا انتقال گزشتہ سال 19 ستمبر کو سنگاپور میں لازرس آئی لینڈ کے قریب تیراکی کے دوران ہوا تھا۔ اس واقعے نے نہ صرف ان کے مداحوں کو صدمے میں ڈال دیا تھا بلکہ اس کی وجوہات کو لے کر کئی سوالات بھی کھڑے ہو گئے تھے۔ حیرت کی بات یہ ہے کہ اس حادثے سے ایک دن بعد انہیں ایک پروگرام میں پرفارم کرنا تھا، جو این ای آئی ایف بینر کے تحت منعقد ہونا تھا۔