جے رام رمیش کا مودی حکومت پر سخت حملہ، حد بندی بل پر دھوکہ دہی کا الزام

انہوں نے مزید کہا کہ اگر حد بندی اسی انداز میں نافذ کی گئی تو یہ وفاقی ڈھانچے کے توازن کو متاثر کرے گی اور بعض ریاستیں اپنی آبادی اور کردار کے باوجود کمزور سیاسی حیثیت کی حامل ہو جائیں گی۔ جے رام رمیش کے مطابق وزیر اعظم اور ان کے رفقا نے جو وعدے کیے تھے، وہ اب عملی طور پر پورے ہوتے دکھائی نہیں دے رہے، جس سے عوام کا اعتماد مجروح ہو رہا ہے۔

کانگریس رہنما نے وزیر اعظم کی نیت پر بھی سوال اٹھاتے ہوئے کہا کہ وہ ایک مدبر کی طرح قومی مفاد کو ترجیح دینے کے بجائے محض اقتدار کے حصول کی سیاست میں مصروف ہیں۔ انہوں نے کہا کہ حد بندی جیسے حساس مسئلے پر وسیع اتفاق رائے پیدا کرنا ضروری تھا، مگر حکومت نے یکطرفہ اقدامات کے ذریعے صورتحال کو مزید پیچیدہ بنا دیا ہے۔