اکھلیش یادو کا یوپی حکومت پر سخت حملہ، کہا- ’عوام کو انصاف ملنا دن بہ دن مشکل‘

انہوں نے کہا کہ آئین کی روح اور جمہوری قدروں کو برقرار رکھنا وقت کی اہم ضرورت ہے۔ اکھلیش یادو نے انتخابی ماحول پر بات کرتے ہوئے مغربی بنگال کا ذکر کیا اور کہا کہ وہاں بڑی تعداد میں سکیورٹی فورسز کی تعیناتی کے باوجود عوام بڑھ چڑھ کر اپنے حق رائے دہی کا استعمال کرتی ہے۔ انہوں نے اشارہ دیا کہ اتر پردیش میں بھی انتخابات کے دوران اسی طرح کی وسیع سکیورٹی انتظامات کیے جا سکتے ہیں۔

انتظامی افسران کے حوالے سے انہوں نے کہا کہ وہ بدلتے ہوئے سیاسی حالات کو محسوس کر رہے ہیں اور اسی کے مطابق اپنی حکمت عملی میں تبدیلی لا رہے ہیں۔ اکھلیش یادو نے ’پی ڈی اے‘ یعنی پسماندہ، دلت اور اقلیتی طبقات کے مسائل کا ذکر کرتے ہوئے کہا کہ ان طبقات کے حقوق کو نظرانداز نہیں کیا جا سکتا اور سماجی انصاف کے لیے ان کی آواز کو مضبوط بنانا ضروری ہے۔