آندھی-طوفان کا پروازوں پر اثر! دہلی ایئر پورٹ کی مشاورت جاری، ایئرلائنز سے رابطہ، میٹرو کا کریں استعمال

اسکائی میٹ کے مہیش پلاوت نے کہا کہ راجستھان کے شمالی حصوں میں پہلے ہی گرج کے ساتھ بارش شروع ہو چکی ہے اور شام تک دہلی میں بھی یہ سلسلہ شروع ہونے اور پوری رات جاری رہنے کا اندازہ ہے۔ پلاوت کے مطابق جمعہ کو گرج چمک کے ساتھ طوفان کی شدت میں اضافہ متوقع ہے اور یہ مرحلہ 30 مئی تک جاری رہ سکتا ہے۔ انہوں نے مزید کہا کہ یہ موسمی نظام 31-30 مئی کو گجرات کی طرف بڑھنے کا امکان ہے۔