لکھنؤ میں امیدواروں نے کیا نائب وزیر اعلی کی رہائش گاہ کا گھیراؤ، حکومت پر لاپرواہی کا الزام

مظاہرین نے الزام لگایا کہ حکومت بار بار وعدے تو کرتی ہے لیکن عملی قدم نہیں اٹھاتی۔ ان کے مطابق ہزاروں امیدوار گزشتہ کئی برسوں سے در در کی ٹھوکریں کھا رہے ہیں، جبکہ ہائی کورٹ کا حکم صاف ہے کہ انہیں تین ماہ کے اندر نوکری پر بحال کیا جائے۔ امیدواروں نے حکومت سے مطالبہ کیا کہ وہ سپریم کورٹ میں مضبوطی سے اپنا موقف رکھے اور ہائی کورٹ کے فیصلے پر عمل درآمد یقینی بنائے۔

احتجاج میں شامل امیدواروں نے اعلان کیا کہ اگر حکومت نے جلد کوئی فیصلہ نہیں لیا تو وہ مزید سخت تحریک شروع کرنے پر مجبور ہوں گے۔ انہوں نے کہا کہ یہ صرف روزگار کا سوال نہیں بلکہ انصاف اور آئینی حق کی لڑائی ہے۔

(ان پٹ یو این آئی)