راجستھان ہائی کورٹ کا حکومت کو جھٹکا، بلدیاتی انتخابات مؤخر کرنے کی درخواست مسترد

کارگزار چیف جسٹس ایس پی شرما کی سربراہی والی ڈویژن بنچ نے او بی سی کمیشن کو بھی ہدایت دی کہ وہ انتخابی عمل میں پیش رفت کے لیے 20 جون تک اپنی رپورٹ پیش کرے۔ عدالت نے 11 مئی کو اس معاملے کی سماعت مکمل ہونے کے بعد فیصلہ محفوظ رکھ لیا تھا، جسے اب سنایا گیا ہے۔

اس سے قبل 14 نومبر 2025 کو 439 عرضیوں پر سماعت کے دوران راجستھان ہائی کورٹ نے ریاستی حکومت کو 15 اپریل 2026 تک پنچایت اور مقامی بلدیاتی اداروں کے انتخابات مکمل کرانے کی ہدایت دی تھی۔ تاہم حکومت مقررہ وقت کے اندر انتخابی عمل مکمل نہ کرا سکی، جس کے بعد عدالت سے مزید وقت مانگا گیا تھا۔