میگھالیہ میں آیا 2.8 کی شدت کا زلزلہ، مغربی کھاسی ہلز میں 10 کلومیٹر گہرائی پر تھا مرکز

بر صغیر ہند میں زلزلے کی سرگرمیاں معمول کی بات مانی جاتی ہیں کیونکہ ہندوستان کئی فعال فالٹ لائنوں پر واقع ہے۔ شمال مشرقی ہندوستان (میگھالیہ، آسام، اروناچل پردیش وغیرہ) زلزلے کے لحاظ سے انتہائی حساس خطہ ہے۔ یہ علاقہ انڈین پلیٹ اور یوریشین پلیٹ کی ٹیکٹونک سرگرمیوں کی وجہ سے بار بار جھٹکے محسوس کرتا رہتا ہے۔ قابل ذکر ہے کہ میگھالیہ میں 1897 میں آنے والے 8.1 شدت کے ہولناک زلزلے کو تاریخ کا سب سے تباہ کن زلزلہ مانا جاتا ہے، جس میں ہزاروں لوگ متاثر ہوئے تھے۔