یوریا کی خرید میں 50 فیصد اضافہ، ال نینو اور مغربی ایشیائی بحران کے سبب کھاد پر بڑھا دباؤ، ریاستوں کو ہدایت جاری

حکومت کی طرف سے دعویٰ کیا گیا ہے کہ بوائی کے دوران پانی کی قلت کی وجہ سے کھیتوں کو بنجر ہونے سے بچانے کے لیے ایک جامع بیک اپ پلان تیار کیا گیا ہے۔ اس کے تحت کم پانی کی ضرورت والے، اعلیٰ معیار والے اور بحران کے وقت کام کرنے والے متبادل فصلوں کے تقریباً 1.74 لاکھ میٹرک ٹن بیجوں کا خصوصی ذخیرہ کیا گیا ہے۔ اس وقت ملک میں بیج کی کل دستیابی تقریباً 1.90 لاکھ میٹرک ٹن ہے۔