یمنا ایکسپریس وے پر دردناک حادثہ، ہولی منانے گھر جا رہے میاں بیوی سمیت 6 مسافروں کی موت

اطلاعات کے مطابق علی الصبح 4 بج کر 15 منٹ پر تیز رفتار بس نے وین کو اوور ٹیک کرنے کی کوشش کی اور بے قابو ہوکر وین کو پیچھے سے ٹکر ماردی۔ ٹکر اتنی شدید تھی کہ وین قریب 10 فٹ دور جاکر گری۔ جس کے نتیجے میں 6 لوگوں کی موت ہوگئی اور متعدد زخمی ہوگئے۔ زخمیوں میں 4 بچے بھی شامل ہیں۔ حادثہ میں زخمی ایکو ڈرائیور کی حالت ناز بتائی جارہی ہے۔ متوفیوں کی لاشوں کو پوسٹ مارٹم کے لیے ڈسٹرکٹ اسپتال بھیج دیا گیا ہے۔ پولیس کا کہنا ہے کہ ابتدائی تحقیقات سے پتہ چلتا ہے کہ حادثہ تیز رفتاری اور لاپرواہی سے اوور ٹیکنگ کے باعث پیش آیا۔