’یہاں سے ایران پر حملہ نہیں کرنے دیں گے‘، اسپین نے 15 امریکی جنگی طیاروں کو واپس لوٹایا

امریکہ اور اسرائیل مستقل ایران پر حملے کر رہا ہے، اور امریکہ نے دوسرے ممالک میں موجود فوجی ٹھکانوں سے بھی حملے کا منصوبہ بنا رکھا ہے۔ حالانکہ اس تعلق سے اسپین نے امریکہ کو شدید جھٹکا دیا ہے اور کہا ہے کہ اس کے فوجی اڈوں کا استعمال ایران پر حملہ کے لیے نہیں کرنے دیا جائے گا۔ میڈیا رپورٹس میں بتایا جا رہا ہے کہ اسپین نے کم از کم 15 امریکی فوجی طیاروں کو واپس بھی کر دیا ہے، جو ایران کے حق میں اچھی خبر ہے۔

دراصل اسپین کے موران اور روٹا میں امریکہ کے ساتھ اس کے مشترکہ فوجی اڈے ہیں۔ ان فوجی اڈوں پر موجود امریکی جنگی طیاروں کا استعمال ایران پر حملہ میں کرنے سے اسپین نے روک دیا ہے۔ اسپین نے واضح لفظوں میں کہا ہے کہ اس کے فوجی اڈوں کا استعمال ایران پر حملوں کے لیے نہیں کیا جا سکتا۔ اسپین کی سخت تنبیہ کے بعد امریکہ کے تقریباً 15 جنگی طیاروں کو اسپین کے فوجی اڈوں سے جرمنی اور فرانس جاتے دیکھا گیا ہے۔

فلائٹ ٹریکنگ ویب سائٹ ’فلائٹ رڈار 24‘ کے مطابق امریکہ اور اسرائیل کی طرف سے ایران پر حملہ شروع ہونے کے بعد سے جنوبی اسپین واقع روٹا اور موران فوجی اڈوں سے کم از کم 15 امریکی طیارے پرواز بھر چکے ہیں۔ اسپین کے وزیر خارجہ جوسے مینوئل الباریس نے اس تعلق سے کہا کہ اسپین اپنے ان فوجی اڈوں کو ایران پر حملہ کے لیے استعمال کرنے کی اجازت نہین دے گا، جو امریکہ اور اسپین کے ذریعہ مشترکہ طور سے آپریٹ ہوتے ہیں، لیکن اسپین کی خود مختاری والے ہیں۔ اسپین پہلے ہی ایران پر ہوئے حملوں کی مذمت کر چکا ہے۔

بہرحال، ’فلائٹ رڈار 24‘ کے مطابق امریکہ کے کم از کم 7 طیارے جرمنی کے رامسٹین ایئربیس پر اترتے ہوئے دکھائی دیے۔ برطانیہ نے بھی شروع میں اپنے فوجی اڈوں کو ایران پر حملہ کے لیے استعمال کرنے کی اجازت دینے سے انکار کر دیا تھا، لیکن اتوار کو وزیر اعظم کیر اسٹارمر نے ’کلیکٹیو سیلف ڈیفنس‘ کے تحت ان کے استعمال کو منظوری دے دی۔ حالانکہ اسپین نے ایسا نہیں کیا۔ اسپین کا رخ وزیر اعظم پیڈرو سانچیز کے ذریعہ امریکہ-اسرائیل کی ایران میں کی گئی کارروائی کی سخت مذمت کرنے والا ہے۔ یہ فیصلہ اس خطہ میں اسپین کو ایک الگ حالات میں کھڑا کرتا ہے، جس سے واشنگٹن کے ساتھ اس کے رشتوں میں کشیدگی مزید بڑھ سکتی ہے۔