گریٹر نوئیڈا میں جھگی بستی میں آتشزدگی، 20 سے زائد جھگیاں جل کر خاک، کئی خاندان متاثر

اطلاع ملتے ہی پولیس اور فائر بریگیڈ کی کئی گاڑیاں موقع پر پہنچ گئیں۔ جھگیوں میں رہنے والے افراد نے جان بچانے کے لیے فوری طور پر گھروں سے باہر نکلنے کی کوشش کی۔ آگ تیزی سے پھیلنے کے سبب بیشتر لوگوں کو اپنا سامان نکالنے کا موقع بھی نہیں مل سکا۔ کئی خاندانوں کے کپڑے، گھریلو اشیا اور روزمرہ استعمال کا سامان جل کر راکھ ہو گیا۔

مقامی لوگوں کے مطابق آگ چند ہی منٹوں میں ایک جھگی سے دوسری جھگی تک پہنچ گئی۔ ابتدائی مرحلے میں آس پاس کے لوگوں نے آگ بجھانے کی کوشش کی، لیکن شعلے اس قدر شدید تھے کہ ان پر قابو پانا ممکن نہیں ہو سکا۔ بعد میں فائر بریگیڈ کی ٹیموں نے محاذ سنبھالا اور کافی کوششوں کے بعد آگ پر قابو پا لیا گیا۔