پٹرول-ڈیزل کی قیمت قسطوں میں بڑھاتے ہیں، تاکہ چپکے چپکے آپ کی جیب کٹتی رہے: راہل گاندھی

واضح رہے کہ پورے ملک میں پٹرول اور ڈیزل کی قیمتوں میں پیر کو ایک بار پھر اضافہ کر دیا گیا ہے۔ گزشتہ 10 دنوں میں یہ چوتھی بار ہے جب ایندھن کی قیمتیں بڑھائی گئی ہیں۔ آج پٹرول کی قیمت میں 2.61 روپے اور ڈیزل کی قیمت میں 2.71 روپے فی لیٹر کا اضافہ کیا گیا ہے۔ قومی راجدھانی دہلی میں پٹرول اب 102.12 روپے فی لیٹر اور ڈیزل 95.20 فی لیٹر پہنچ گیا ہے۔ قابل ذکر ہے کہ ایندھن کی قیمتوں میں مسلسل اضافے کا اثر اب ٹرانسپورٹ، لاجسٹکس اور روزمرہ کی ضروریات پر پڑنے کا خدشہ ہے۔ 16 مئی کو بھی پٹرول اور ڈیزل کی قیمتوں میں 3 روپے فی لیٹر کا اضافہ کیا گیا تھا۔