کویت کے ہوائی اڈے پر حملے کی ہندوستان نے کی مذمت، ہندوستانی شہری کی ہلاکت پر اظہارِ افسوس

وزارتِ خارجہ کے جاری کردہ بیان میں کہا گیا کہ مغربی ایشیا میں جاری کشیدگی کے دوران ہندوستان مسلسل اس بات پر زور دیتا رہا ہے کہ عام شہریوں اور شہری تنصیبات کو کسی بھی صورت میں نشانہ نہیں بنایا جانا چاہیے۔ ہندوستان نے ایک بار پھر تمام فریقوں سے تحمل کا مظاہرہ کرنے اور ایسے حملوں کو فوری طور پر روکنے کی اپیل کی ہے۔

کویت میں موجود ہندوستانی سفارت خانے نے بھی ایک بیان جاری کرتے ہوئے حملے میں ہلاک ہونے والے ہندوستانی شہری کے اہل خانہ سے گہری ہمدردی کا اظہار کیا۔ سفارت خانے کے مطابق وہ متاثرہ خاندان کے رابطے میں ہے اور کویتی حکام کے ساتھ مل کر زخمیوں اور متاثرین کو ہر ممکن مدد فراہم کی جا رہی ہے۔