’مہنگائی مین کی وصولی تھم نہیں رہی‘، پٹرول-ڈیزل کی قیمتوں میں تازہ اضافہ کے بعد کانگریس کا پی ایم مودی پر حملہ

دوسری طرف عآپ رکن پارلیمنٹ سنجے سنگھ نے بھی پٹرول اور ڈیزل کی قیمتوں میں آج ہوئے بے تحاشہ اضافہ کے خلاف آواز اٹھائی ہے۔ انھوں نے طنزیہ انداز میں ’ایکس‘ پر لکھا ہے کہ ’’ملک کے پیارے باشندو، مودی جی کے لیے آپ محض ایک ووٹ ہیں۔ انتخاب ختم، ضرورت ختم۔ ویسے اندھ بھکت تو 200 روپے تک پٹرول خریدنے کو تیار ہیں۔‘‘ اسی طرح دہلی کے سابق نائب وزیر اعلیٰ اور عآپ لیڈر منیش سسودیا نے بھی پی ایم مودی کو تنقید کا نشانہ بناتے ہوئے کہا ہے کہ ’’رحم کیجیے مودی جی، آپ روزانہ پٹرول و ڈیزل کی قیمت بڑھا دے رہے ہیں، تنخواہ کسی کی بڑھ نہیں رہی۔ ملازمت بچی رہے یہی غنیمت ہے۔‘‘ وہ مزید کہتے ہیں کہ ’’کاروبار سب کے چوپٹ پڑے ہیں آپ کے راج میں۔ آپ روزانہ تیل کی قیمت بڑھا دیتے ہو، اس کے بعد دودھ، سبزی، روٹی جیسی چیزیں روزانہ اپنے آپ مہنگی ہو جاتی ہیں۔ کہاں سے لائیں اتنا پیسہ؟ میں امید کروں گا کہ وزیر اعظم ملک کے حالات کو سنجیدگی سے لیں اور پٹرول کی بڑھی ہوئی قیمت واپس لینے کا فیصلہ کریں۔‘‘