ذی الحجہ کا چاند نظر نہیں آیا، عید الاضحیٰ 28 مئی کو ہوگی، سید شعبان بخاری کا اعلان

سید شعبان بخاری نے اپنے بیان میں کہا، ’’میں سید شاہبان بخاری آپ سے مخاطب ہوں۔ آج ماہی ذی الحجہ کا چاند نظر نہیں آیا۔ مرکزی رویتِ ہلال کمیٹی جامعہ مسجد دہلی کے اجلاس میں تیس کی رویت کا فیصلہ کیا گیا ہے۔ لہٰذا اعلان کیا جاتا ہے کہ پہلی ذی الحجہ 19 مئی 2026 منگل کے روز ہے اور عید الاضحیٰ انشاء اللہ 28 مئی جمعرات کے روز ہوگی۔‘‘

ذی الحجہ اسلامی قمری سال کا بارہواں اور آخری مہینہ ہوتا ہے، جسے مسلمانوں کے لیے انتہائی مقدس مانا جاتا ہے۔ اسی مہینے میں فریضۂ حج ادا کیا جاتا ہے، جبکہ 10 ذی الحجہ کو عید الاضحیٰ منائی جاتی ہے، جسے بقرعید بھی کہا جاتا ہے۔ اس موقع پر مسلمان سنتِ ابراہیمی کی یاد میں قربانی ادا کرتے ہیں۔