’دوبارہ بھی آزما لیں، جواب پہلے جیسا ہی ہوگا‘، ٹرمپ کے پیغام پر عباس عراقچی کی سخت تنبیہ

ہندوستان میں ایرانی سفارت خانے کی جانب سے سوشل میڈیا پلیٹ فارم ’ایکس‘ پر جاری بیان کے مطابق عباس عراقچی نے کہا کہ جنگ اور امن کا معاملہ انتہائی حساس ہے، اس لیے اگر کوئی فریق مذاکرات کے ذریعے حل چاہتا ہے تو اسے تحمل کا مظاہرہ کرنا ہوگا۔ انہوں نے کہا کہ کسی بھی پائیدار حل تک پہنچنے کے لیے تفصیلی اور پیچیدہ مذاکرات ناگزیر ہیں۔

ایرانی وزیر خارجہ نے خبردار کرتے ہوئے کہا کہ اگر امریکہ یا اس کے اتحادی ایک بار پھر جنگ کا راستہ اختیار کرنا چاہتے ہیں تو یہ ان کی مرضی ہوگی، لیکن ایران پہلے بھی ایسے حالات کا سامنا کر چکا ہے اور دوبارہ بھی ویسا ہی جواب دے گا۔ ان کے مطابق ماضی میں بھی ایران کو آزمایا گیا، مگر نتائج مختلف نہیں رہے۔