دہلی میں آلودگی، پانی کی قلت اور گندگی کے خلاف ’بہتر دہلی‘ مہم کا آغاز، یوتھ کانگریس کا اہم اعلان

نئی دہلی: راجدھانی دہلی میں بڑھتی ہوئی آلودگی، گندگی، پانی کی قلت اور جل بھراؤ جیسے سنگین مسائل کے خلاف ہندوستانی یوتھ کانگریس نے ’بہتر دہلی‘ مہم کا باضابطہ آغاز کر دیا ہے۔ اس مہم کے تحت عوام کو راحت دلانے اور سرکار کو جواب دہ بنانے کے لیے جدوجہد کا اعلان کیا گیا ہے۔

اس مہم کا روڈ میپ کانگریس کے قومی خزانچی اجے ماکن، دہلی پردیش کانگریس کے صدر دیویندر یادو، یوتھ کانگریس کے قومی صدر ادے بھانو چب اور دہلی یوتھ کانگریس کے صدر اکشے لاکڑا نے مشترکہ طور پر پیش کیا۔ رہنماؤں نے کہا کہ یہ مہم صرف ایک سیاسی پروگرام نہیں بلکہ عوامی مسائل کو سمجھنے اور ان کے حل کے لیے عملی قدم اٹھانے کی کوشش ہے۔