جے رام رمیش نے سونیا اور راہل گاندھی کے خطوط کئے شیئر، مودی حکومت پر تاخیر کا الزام

کانگریس کے جنرل سکریٹری جے رام رمیش نے کہا کہ راہل گاندھی نے 16 جولائی 2018 کو وزیر اعظم کو ایک خط لکھ کر پارلیمنٹ کے مانسون اجلاس میں خواتین ریزرویشن بل کو منظور کرانے کے لیے تعاون کی درخواست کی تھی۔ اس خط میں راہل گاندھی نے واضح کیا تھا کہ یہ بل طویل عرصے سے زیر التوا ہے اور اس کی منظوری میں مزید تاخیر خواتین کی سیاسی شمولیت کو متاثر کرے گی۔

راہل گاندھی نے اپنے مکتوب میں یہ بھی لکھا تھا کہ وزیر اعظم خود کئی مواقع پر خواتین کو بااختیار بنانے کی بات کرتے رہے ہیں، اس لیے اس بل کی غیر مشروط حمایت کرنا ان کے لیے اپنے عزم کو عملی شکل دینے کا بہترین موقع ہوگا۔ انہوں نے اس بات پر زور دیا تھا کہ اگر مزید تاخیر ہوئی تو اگلے عام انتخابات سے پہلے اس قانون کو نافذ کرنا مشکل ہو جائے گا۔