الیکشن کمیشن کی 12 سیاسی جماعتوں سے میٹنگ، شفافیت اور ووٹروں کے احترام پر زور

اجلاس میں کمیشن نے واضح کیا کہ سیاسی جماعتیں جمہوری نظام کی بنیاد ہیں، اس لیے انتخابات کے ہر مرحلے میں ان کی ذمہ داری بنتی ہے کہ وہ شفافیت اور غیر جانبداری کو یقینی بنائیں۔ چیف الیکشن کمشنر نے کہا کہ انتخابات کو عوامی جشن اور جمہوری اقدار کی علامت سمجھ کر خوش اسلوبی کے ساتھ منعقد کیا جانا چاہیے۔ انہوں نے سیاسی جماعتوں سے اپیل کی کہ وہ ووٹروں کے احترام کو سب سے مقدم رکھیں اور ہر بوتھ پر اپنے پولنگ ایجنٹ کی موجودگی کو یقینی بنائیں تاکہ انتخابی عمل پر اعتماد مزید مستحکم ہو۔

میٹنگ میں شریک 12 سیاسی جماعتوں میں کانگریس، بی جے پی، جے ڈی یو، آر جے ڈی، عام آدمی پارٹی، بی ایس پی، سی پی آئی ایم، این پی پی، سی پی آئی ایم ایل، ایل جے پی (رام ولاس)، آر ایل جے پی اور آر ایل جے پی (ایک دھڑا) شامل تھے۔ ان سبھی جماعتوں نے انتخابات کو شفاف بنانے کے لیے کمیشن کی کوششوں کی تعریف کی اور اس پر مکمل اعتماد کا اظہار کیا۔