مغربی یوپی کے شہروں میں نمازِ جمعہ کی ادائیگی کے دوران چپے چپے پر سخت پہرہ، فلیگ مارچ اور کڑی نگرانی

مظفرنگر میں ایس ایس پی سنجے کمار ورما نے خود نگرانی کی اور افسران کے ساتھ مختلف مقامات کا دورہ کیا۔ انہوں نے کہا کہ نمازِ جمعہ کا پرامن انعقاد سب کی مشترکہ ذمہ داری ہے۔ نماز سے قبل مذہبی رہنماؤں کے ساتھ میٹنگ ہوئی جس میں عوام سے افواہوں پر کان نہ دھرنے اور سکون کے ساتھ نماز ادا کرنے کی اپیل کی گئی۔

نوئیڈا میں بھی پولیس کا انتظام غیر معمولی طور پر سخت رہا۔ سیکٹر 8 کی جامع مسجد سمیت حساس مقامات پر دو ہزار سے زیادہ اہلکار تعینات کیے گئے۔ ڈی سی پی سمیت کئی اعلیٰ افسران موقع پر موجود رہے۔ عوام کو یقین دلایا گیا کہ شہر بھر میں مکمل امن قائم رکھنے کے لیے انتظامیہ ہر وقت چوکس ہے۔

مجموعی طور پر مغربی یوپی کے یہ تمام شہر پرامن رہے اور نمازِ جمعہ بلا کسی رکاوٹ کے مکمل ہوئی۔ عوام اور مذہبی رہنماؤں نے انتظامیہ کے ساتھ تعاون کر کے یہ واضح پیغام دیا کہ امن اور سکون سب سے مقدم ہے۔