کیا ایئر انڈیا کے طیارہ کو یرغمال بنانے کی ہوئی کوشش؟ حراست میں لیے گئے 9 مسافروں سے پوچھ تاچھ شروع

بنگلور سے وارانسی جا رہے ایئر انڈیا کے طیارہ میں ایک مسافر نے کاک پِٹ کا دروازہ کھولنے کی کوشش کی، جس سے طیارہ کے اندر ایک ہلچل سی مچ گئی۔ غور کرنے والی بات یہ ہے کہ اس مسافر نے کاک پِٹ کھولنے سے متعلق درست پاس کوڈ بھی ڈالا تھا، لیکن طیارہ کی کیپٹن نے ہائی جیک یعنی یرغمال ہونے کے خوف سے دروازہ نہیں کھولا۔ بتایا جاتا ہے کہ یہ شخص اپنے 8 ساتھیوں کے ساتھ سفر کر رہا تھا۔ اب ان سبھی 9 مسافروں کو سی آئی ایس ایف کے حوالے کر دیا گیا ہے۔ ان سبھی سے پوچھ تاچھ بھی شروع ہو گئی ہے۔ سوال یہ اٹھ رہا ہے کہ کیا ان سبھی کا ارادہ ایئر انڈیا کے طیارہ کو یرغمال بنانا تھا؟