نیٹ-2026 پیپر لیک پر کانگریس کا احتجاج جاری، 21 مئی کو راجستھان بی جے پی دفتر کے گھیراؤ کا اعلان

راجستھان کانگریس کے جنرل سکریٹری اور میڈیا شعبہ کے سربراہ سورنم چترویدی نے پریس کانفرنس کے دوران الزام لگایا کہ نیٹ-2026 پیپر لیک لاکھوں طلبہ کے مستقبل کے ساتھ کھلواڑ ہے۔ انہوں نے کہا کہ اس معاملہ کے لیے مرکزی حکومت اور نیشنل ٹیسٹنگ ایجنسی براہ راست ذمہ دار ہیں۔

چترویدی نے دعویٰ کیا کہ جانچ کے دوران مبینہ طور پر بعض بی جے پی رہنماؤں کے نام بھی سامنے آئے ہیں۔ انہوں نے کہا کہ اس سے پہلے بھی نیٹ-2024 اور نیٹ-2025 امتحانات کے تعلق سے پیپر لیک کے الزامات سامنے آ چکے ہیں، مگر اس کے باوجود امتحانی نظام میں شفافیت یقینی بنانے کے لیے مؤثر اقدامات نہیں کیے گئے۔