دہلی کے تعلیمی اداروں کو پھر بم کی دھمکی، ڈی پی ایس سمیت کئی اسکول خالی کرائے گئے

صبح کے وقت جب بچے اور اساتذہ اسکول پہنچ چکے تھے، تو اچانک موصول ہونے والی اس اطلاع نے ماحول کو خوف و ہراس میں مبتلا کر دیا۔ اسکول مینجمنٹ نے طلبہ کو فوری طور پر محفوظ جگہ پر منتقل کیا اور پولیس کو اطلاع دی۔ اطلاع ملتے ہی دہلی پولیس، بم اسکواڈ اور فائر بریگیڈ کی ٹیمیں متعلقہ مقامات پر پہنچ گئیں اور پورے احاطے کی باریکی سے تلاشی شروع کر دی۔

آخری اطلاع موصول ہونے تک کسی بھی طرح کا مشتبہ مواد یا سامان نہیں ملا تھا، تاہم پولیس نے سکیورٹی کے پیش نظر سرچ آپریشن جاری رکھا ہوا تھا۔ ہر اسکول کے اندر اور اطراف میں فورسز کو تعینات کیا گیا تاکہ کسی بھی ناخوشگوار واقعہ سے بچا جا سکے۔