شِبو سورین کا جسد خاکی رانچی پہنچا، دیدار کے لیے امنڈا ہزاروں کا ہجوم؛ آج دوپہر نیمرا میں ادا ہوں گی آخری رسومات

جھارکھنڈ مکتی مورچہ (جے ایم ایم) کے بانی، سینئر قبائلی رہنما اور سابق وزیراعلیٰ شِبو سورین کی میت رانچی لائی گئی، جہاں ان کے آخری دیدار کے لیے عوام کا بڑا ہجوم اُمڈ پڑا۔ ان کا جسد خاکی مورہابادی علاقے میں واقع ان کی رہائش گاہ پر رکھا گیا، جہاں صبح سے ہی عقیدت مند، سیاسی کارکن، قبائلی نمائندے اور عام لوگ بڑی تعداد میں خراج عقیدت پیش کرنے پہنچے۔

شِبو سورین کی آخری رسومات آج 5 اگست کو دوپہر 2 بجے ان کے آبائی گاؤں نیمرا (ضلع رام گڑھ) میں ادا کی جائیں گی۔ مکمل سرکاری اعزاز کے ساتھ ان کی چتا کو اگنی دی جائے گی۔ نیمرا میں انتظامیہ نے سخت حفاظتی انتظامات کیے ہیں، جب کہ مقامی افراد صبح سے ہی آخری وداع کے منتظر ہیں۔