حج 2026 کے لیے درخواست فارم جمع کرنے کی تاریخ میں توسیع، اب 7 اگست تک بھرے جا سکیں گے آن لائن فارم

حج کمیٹی کے ایگزیکٹیو آفیسر اشفاق احمد عارفی نے تفصیلات جاری کرتے ہوئے بتایا کہ حج کمیٹی آف انڈیا کے سی ای او کی جانب سے ریاستی حج کمیٹیوں کے ایگزیکٹیو آفیسران کے نام جاری گشتی مراسلہ کے ذریعے حج فارم جمع کرنے کی آخری تاریخ میں توسیع کی منظوری کی اطلاع موصول ہونے کے بعد دہلی اسٹیٹ حج کمیٹی کی طرف سے یہ اطلاع مختلف ذرائع سے عازمین تک پہونچا دی گئی ہیں۔ مزید یہ کہ اس کے بعد حج فارم بھرنے کی مدت میں آئندہ کوئی توسیع ممکن نہیں ہوگی اور 7 اگست کی آخری تاریخ کے بعد جلد ہی عازمین کے انتخاب کے لیے آن لائن قرعہ اندازی کا عمل مکمل کر لیا جائے گا اور قرعہ اندازی میں منتخب ہونے والے عازمین کو 20 اگست 2025 تک 1,52,300 روپیے کی پیشگی رقم فوری طور پر جمع کرانی ہوگی۔