عامر خان کی ’ستارے زمین پر‘ کی زبردست کمائی، پہلے ہفتے میں 89 کروڑ کا ہندسہ عبور

’ستارے زمین پر‘ کو غیر تعطیلی دنوں میں بھی زبردست رسپانس ملا ہے اور ہر دن اس فلم نے کئی کروڑ کی کمائی کی ہے۔ سوشل میڈیا پر بھی فلم کی خوب تعریف ہو رہی ہے اور شائقین فلم کو ایک متاثرکن اور جذباتی تجربہ قرار دے رہے ہیں۔ فلم کی کہانی، اداکاری، ہدایت کاری اور پیشکش نے ہر طبقے کو متاثر کیا ہے۔

فلم نے پہلے دن 10.7 کروڑ، دوسرے دن 20.2 کروڑ، تیسرے دن 27.25 کروڑ، چوتھے اور پانچویں دن 8.5 کروڑ فی دن، جبکہ چھٹے دن 7.25 کروڑ روپے کمائے۔ رپورٹ کے مطابق فلم نے ساتویں دن یعنی جمعرات کو 6.75 کروڑ روپے کا بزنس کیا ہے۔