دہلی میں بجلی مہنگی ہونے کے آثار، 500 یونٹ سے زیادہ استعمال کرنے والوں پر اضافی بوجھ متوقع

حکام کے مطابق بجلی کی شرح میں ایک سے 3.30 فیصد تک اضافہ ہو سکتا ہے۔ اس فیصلے کا سب سے زیادہ اثر ان تجارتی، صنعتی اور گھریلو صارفین پر پڑے گا جو دہلی حکومت کی بجلی سبسڈی اسکیم کے دائرے میں شامل نہیں ہیں۔ اندازہ ہے کہ 500 یونٹ سے زیادہ بجلی استعمال کرنے والے ہزاروں صارفین کو آنے والے مہینوں میں زیادہ بل ادا کرنا پڑ سکتے ہیں۔

دوسری جانب 0 سے 200 یونٹ اور 201 سے 400 یونٹ تک بجلی استعمال کرنے والے بیشتر صارفین پر اس فیصلے کا فوری اثر نہیں پڑے گا۔ اسی طرح وہ گھریلو صارفین جو دہلی حکومت کی مکمل یا 50 فیصد بجلی سبسڈی حاصل کر رہے ہیں، ان کے بلوں پر فی الحال کوئی اضافی بوجھ نہیں ڈالا جائے گا۔