دہلی ہائی کورٹ کا فلم سازوں کو نوٹس، 19 جون کو اگلی سماعت

یہ سماعت جسٹس نینا بنسل کرشنا کی واحد رکنی بنچ کے سامنے ہوئی۔ سماعت کے دوران سلمان خان کی جانب سے سینئر وکیل نظام پاشا نے عدالت کو بتایا کہ اداکار کے پرسنالٹی رائٹس پہلے ہی ہائی کورٹ کے ذریعے محفوظ قرار دیے جا چکے ہیں۔ ان کا کہنا تھا کہ ان حقوق میں سلمان خان کی شبیہ، شناخت، ظاہری انداز اور ان سے منسلک دیگر شخصی خصوصیات شامل ہیں۔

سلمان خان کے وکیل نے عدالت کو بتایا کہ 29 مئی کو فلم کا ایک پوسٹر جاری کیا گیا تھا، جس میں ایک شخص کو سلمان خان سے مشابہ دکھایا گیا ہے۔ ان کے مطابق اس شخص نے وہی مخصوص بریسلٹ بھی پہن رکھا ہے جو سلمان خان طویل عرصے سے استعمال کرتے آ رہے ہیں۔ درخواست گزار کا الزام ہے کہ فلم کی تشہیری مہم میں ان کی شناخت اور عوامی شبیہ کو بغیر اجازت استعمال کیا جا رہا ہے۔