میناکشی نٹراجن کی نامزدگی مسترد ہونے پر کھڑگے کا ردعمل، ’مودی کے اشارے پر جمہوریت کا قتل‘

نئی دہلی: کانگریس صدر ملکارجن کھڑگے نے میناکشی نٹراجن کی راجیہ سبھا نامزدگی مسترد کیے جانے پر سخت ردعمل ظاہر کرتے ہوئے اسے جمہوریت کے خلاف قدم قرار دیا ہے۔ انہوں نے الزام لگایا کہ اس طرح کی کارروائی نریندر مودی کے اشارے کے بغیر ممکن نہیں اور یہ اپوزیشن کو کمزور کرنے کی ایک منظم کوشش کا حصہ ہے۔

کھڑگے نے کہا کہ میناکشی نٹراجن کا راجیہ سبھا نامزدگی فارم مسترد کیا جانا غیرقانونی اور جمہوری اصولوں کے منافی ہے۔ ان کا کہنا تھا کہ کانگریس اور جمہوریت کو نقصان پہنچانے کے لیے سازشیں کی جا رہی ہیں اور سرکاری اداروں کو سیاسی مقاصد کے لیے استعمال کیا جا رہا ہے۔ انہوں نے یہ بھی الزام لگایا کہ اہم عہدوں پر ایسے افراد کو بٹھایا جا رہا ہے جو غیرجانبدارانہ طریقے سے کام نہیں کر رہے۔