ٹریکنگ کے دوران 24 سالہ خاتون پراسرار طور پر غائب، 9 روز بعد بھی سراغ نہیں

پولیس کے مطابق ضلع نینی تال کے رام نگر علاقے کے چلکیا گاؤں کی رہائشی ببیتا پانڈے 29 مئی کو اپنے دو ساتھیوں ہرمن پریت سنگھ اور ہرمن پال کے ساتھ دیارا بگیال ٹریک پر گئی تھیں۔ تینوں نے اسی رات گوئی بیس کیمپ میں قیام کیا تھا۔ ساتھیوں کے بیان کے مطابق رات کے وقت ببیتا پانڈے خیمے سے باہر نکلیں اور اس کے بعد واپس نہیں آئیں۔

واقعے کی اطلاع ملنے کے بعد اہل خانہ نے پولیس سے رابطہ کیا۔ 31 مئی کو ببیتا پانڈے کے بھائی کی شکایت پر مقدمہ درج کیا گیا۔ پولیس نے دونوں ساتھیوں سے پوچھ گچھ کی ہے اور معاملے کے مختلف پہلوؤں کی جانچ جاری ہے، تاہم اب تک کسی شخص کو گرفتار نہیں کیا گیا۔