وزیر تعلیم دھرمیندر پردھان کا عہدے پر برقرار رہنا ’اقتدار سے چپکنے‘ کی ان کی بے شرمی کا مظہر: جے رام رمیش

راجیہ سبھا رکن جے رام رمیش کے مطابق اگر وزیر پردھان کی وزارت نے سی بی ایس ای امتحانات اور نظر ثانی کے عمل کو منعقد کرنے میں زیادہ ایمانداری دکھائی ہوتی تو اس پورے بحران سے بچا جا سکتا تھا، جس نے لاکھوں طلبہ اور ان کے خاندانوں کو تناؤ میں ڈال دیا۔ وہ اپنی ’ایکس‘ پوسٹ میں یہ بھی لکھتے ہیں کہ ’’وزیر پردھان کا عہدے پر برقرار رہنا صرف اقتدار سے ’چِپکے‘ رہنے کی ان کی بے شرمی کو ظاہر کرتا ہے۔ وہ پوری طرح بے نقاب ہو چکے ہیں – ایک مغرور اور نااہل ’پولیٹیکل ہیک‘ کے طور پر، جو ایک گہرائی تک ’کمپرومائزڈ‘ وزارت چلا رہے ہیں۔‘‘