اپوزیشن کی زبردست مخالفت کے درمیان آسام اسمبلی میں یونیفارم سول کوڈ بل پیش، 27 مئی کو ہوگی بحث

اگر یہ بل پاس ہو جاتا ہے تو اتراکھنڈ اور گجرات کے بعد آسام ملک میں یوسی سی بل پاس کرنے والا تیسرا صوبہ بن جائے گا۔ حالانکہ ریاستی حکومت کو شروعات میں ہی سخت مخالفت کا سامنا کرنا پڑ رہا ہے۔ اس بل کو لے کر اسمبلی کے اندر اور باہر زبردست ہنگامہ مچا ہوا ہے۔ حکمراں پارٹی کا کہنا ہے کہ حکومت نے پہلے ہی اجلاس میں یو سی سی لاکر عوام سے کیا گیا اپنا سب سے بڑا وعدہ پورا کیا ہے وہیں دوسری طرف کانگریس، ٹی ایم سی اور دیگر اپوزیشن اراکین نے اس پر تلخ رد عمل کا ظہار کیا ہے۔ اپوزیشن نے قانون کو لانے کے وقت اور اس کے سماجی اثرات کو لے کر ایوان میں سخت احتجاج درج کرایا ہے۔