’10 سے 15 روپے سستا ہو پٹرول-ڈیزل‘، ایندھن کی بڑھتی قیمتوں کے درمیان چیمبر آف ٹریڈ اینڈ انڈسٹری کا حکومت کو خط

سی ٹی آئی کے چیئرمین برجیش گوئل نے یہ بھی واضح کیا کہ اگر 3 ماہ میں بین الاقوامی بازار میں صورتحال معمول پر آ گئی تو ریاستیں اپنی ویٹ کی شرحوں پر دوبارہ نظر ثانی کر سکتی ہیں۔ ساتھی ہی انہوں نے مختلف ریاستوں کے اعداد و شمار بھی شیئر کیے۔ تلنگانہ میں پٹرول پر 35.20 فیصد ویٹ ہے اور آندھرا پردیش میں 31 فیصد ویٹ کے ساتھ اضافی ٹیکس۔ اسی طرح دہلی میں 19.40 فیصد ویٹ جبکہ انڈمان-نکوبار میں ایک فیصد ویٹ ہونے کی وجہ سے پٹرول سستا ہے اور ڈیزل کی صورتحال بھی تقریباً ایسی ہی ہے۔ سی ٹی آئی کے مطابق دہلی میں 2 روز قبل پٹرول کی بیس پرائز 66.29 روپے اور ڈیزل کی 67.36 روپے فی لیٹر تھی، لیکن ٹیکس جوڑنے کے بعد قیمتیں کافی اونچی ہو جاتی ہیں۔ پٹرول پر مجموعی طور پر ٹیکس 50-40 فیصد تک اور ڈیزل پر 35-30 فیصد تک پہنچ رہا ہے۔