عدالت نے پانچ ملزمان کو سات روزہ سی بی آئی تحویل میں بھیجا

سماعت کے دوران عدالت نے سی بی آئی کو ہدایت دی کہ تمام ملزمان کو ایف آئی آر کی نقل فراہم کی جائے اور گرفتاری کی بنیادوں کو واضح طور پر بتایا جائے۔ عدالت نے اس بات پر بھی زور دیا کہ قانونی عمل کے دوران ملزمان کے حقوق کا مکمل خیال رکھا جائے۔

سی بی آئی نے عدالت میں بتایا کہ ابتدائی جانچ کے دوران واٹس ایپ اور ٹیلیگرام چیٹس سے ایسے شواہد حاصل ہوئے ہیں، جن میں وہی سوالات شامل ہیں جو نیٹ امتحان میں پوچھے گئے تھے۔ جانچ ایجنسی کے مطابق تقریباً 100 سوالات امتحان سے پہلے ہی لیک کر دیے گئے تھے۔ ان سوالات کے ساتھ جوابی کلید بھی فراہم کی گئی تھی تاکہ امیدواروں کو درست جوابات تک رسائی دی جا سکے۔