تمل ناڈو میں آر ایس ایس-بی جے پی پر خوب برسے راہل گاندھی، کانگریس اتحاد کو کامیاب بنا کر ریاست کی زبان و ثقافت بچانے کی اپیل

اس دوران اپنے خطاب میں راہل گاندھی نے آرایس ایس پر بھی جم کر نشانہ لگایا۔ کانگریس رہنما نے کہا کہ آرایس ایس دراوڑ نظریات کو پسند نہیں کرتا ہے اور تمل ناڈو پر اپنا کنٹرول قائم کرنا چاہتا ہے۔ راہل گاندھی کے مطابق تمل ناڈو کی شناخت، زبان اور ثقافت کی حفاظت کے لیے اس طرح کی ذہنیت کو سمجھنا ضروری ہے۔ انہوں نے مزید کہا کہ بی جے پی براہ راست طور پر تمل ناڈو میں اپنی بنیاد قائم کرنے اور مضبوط  ہونے کے لیے زمین تلاش کر رہی ہے۔ اس لیے وہ اے آئی اے ڈی ایم کے کا سہارا چاہتی ہے، تاکہ ریاست کی سیاست میں داخل ہو سکے۔