’وزیر اعظم نے ایک سرکاری خطاب کو سیاسی تقریر میں تبدیل کر دیا‘، ملک کے نام پی ایم مودی کے خطاب پر کھڑگے کا تلخ تبصرہ

ملکارجن کھڑگے کا کہنا ہے کہ موجودہ عالمی بحران، مہنگائی، گرتی ہوئی معیشت اور کمزور ہوتی کرنسی کے باوجود وزیر اعظم کے پاس قوم کو دینے کے لیے کوئی ٹھوس منصوبہ نہیں تھا اور انہوں نے صرف ایک سیاسی تقریر کی۔ اپنے بیان کے آخر میں کھڑگے نے الزام لگایا کہ بی جے پی اور آر ایس ایس ملک کو تقسیم کرنے کی سیاست کرتے ہیں اور ان کا نظریہ آئین کے بجائے منوسمرتی پر مبنی ہے، جو مساوات کے بجائے تفریق کو فروغ دیتا ہے۔ انہوں نے واضح لفظوں میں کہا کہ ایسے حالات میں حکومت کو اپنی پالیسیوں پر غور کرنا چاہیے اور عوام کو درپیش مسائل کے حل پر توجہ دینی چاہیے۔