پنجاب کے وزیر سنجیو اروڑہ اور ساتھیوں کے ٹھکانوں پر ای ڈی کی چھاپہ ماری، حوالہ اور سٹہ بازی روابط کی جانچ

ذرائع کے مطابق یہ کارروائی ایک وسیع رئیل اسٹیٹ اور مالیاتی نیٹ ورک کی جانچ کا حصہ ہے۔ سنجیو اروڑہ ہیمپٹن اسکائی ریئلٹی لمیٹڈ (سابقہ رِتیش پراپرٹیز اینڈ انڈسٹریز لمیٹڈ) کے پروموٹر ہیں، جو پنجاب میں بڑے پیمانے پر انفرا اور رئیل اسٹیٹ منصوبوں سے وابستہ ہے۔ کمپنی کے موجودہ منیجنگ ڈائریکٹر ان کے بیٹے کاویہ اروڑہ ہیں، جن کے ٹھکانوں پر بھی تلاشی لی جا رہی ہے۔

ای ڈی کو شبہ ہے کہ کمپنی نے زمین کے استعمال میں غیر قانونی تبدیلیاں کرنے، حصص کی قیمتیں بڑھانے کے لیے فرضی فروخت دکھانے اور اندرونی تجارت کے ذریعے مالی فائدہ اٹھانے جیسے معاملات میں بے ضابطگیاں کی ہیں۔ اس کے علاوہ یو اے ای سے غیر قانونی طور پر کمائے گئے سرمائے کو واپس ہندوستان لانے، اور سٹہ بازی سے حاصل رقم کو جائز سرمایہ کاری کے طور پر دکھانے کے الزامات بھی زیرِ جانچ ہیں۔