پارلیمنٹ میں آج 3 بل پیش کرنے کی تیاری، حزب اختلاف کا سخت ردعمل؛ کیا سیاست کا نیا رخ طے ہونے والا ہے؟

حکومت کا کہنا ہے کہ اس سے بڑھتی آبادی کے مطابق نمائندگی بہتر ہوگی اور خواتین کو 2029 کے عام انتخابات تک ریزرویشن کا فائدہ مل سکے گا۔ تاہم اپوزیشن جماعتوں کا ماننا ہے کہ اس پورے عمل میں شفافیت کی کمی ہے اور اسے سیاسی فائدے کے لیے استعمال کیا جا رہا ہے۔

کانگریس کے سینئر رہنما راہل گاندھی نے اس معاملے پر سخت ردعمل ظاہر کرتے ہوئے کہا کہ حکومت حدبندی اور انتخابی حلقوں کی ترتیب میں رد و بدل کے ذریعے اقتدار پر اپنی گرفت مضبوط کرنا چاہتی ہے۔ انہوں نے واضح کیا کہ کانگریس خواتین ریزرویشن کے اصول کی حمایت کرتی ہے لیکن موجودہ تجاویز کا اس اصل قانون سے براہ راست تعلق نہیں ہے۔ ان کا کہنا تھا کہ او بی سی، دلت اور آدیواسی طبقات کے حقوق کو نظر انداز نہیں ہونے دیا جائے گا۔