کانگریس کا منشور جاری، ملکارجن کھڑگے کے 5 بڑے وعدے، بی جے پی حکومت پر شدید تنقید

کھڑگے نے اپنے خطاب میں 5 بڑی ضمانتوں کا اعلان کیا، جنہیں انہوں نے کانگریس کی بنیادی ترجیحات قرار دیا۔ پہلی ضمانت کے تحت ہر خاتون کے بینک کھاتے میں بغیر کسی شرط کے ماہانہ مالی مدد فراہم کی جائے گی۔ اس کے ساتھ ہی خواتین کو کاروبار شروع کرنے یا بڑھانے کے لیے پچاس ہزار روپے تک کی مدد دی جائے گی۔

دوسری ضمانت میں ہر خاندان کے لیے پچیس لاکھ روپے تک کا کیش لیس صحت بیمہ شامل ہے۔ انہوں نے دعویٰ کیا کہ کانگریس ایسی اسکیمیں پہلے بھی مختلف ریاستوں میں نافذ کر چکی ہے اور آسام میں بھی اسے عملی جامہ پہنایا جائے گا۔

تیسری ضمانت کے طور پر انہوں نے کہا کہ ایک مشہور گلوکار کے معاملے میں سو دن کے اندر انصاف فراہم کیا جائے گا اور اس کی مکمل جانچ کرا کے ذمہ داروں کو بے نقاب کیا جائے گا۔