دہلی بجٹ کسانوں اور دیہات کے ساتھ وعدہ خلافی کا ثبوت: ڈاکٹر نریش کمار

انہوں نے غیر مجاز کالونیوں کے مسئلے کو بھی اجاگر کیا اور کہا کہ لاکھوں لوگ آج بھی بنیادی سہولیات سے محروم ہیں، مگر بجٹ میں ان کے لیے کوئی واضح منصوبہ پیش نہیں کیا گیا۔ ان کے مطابق یہ رویہ عوامی مسائل سے بے اعتنائی کو ظاہر کرتا ہے۔

ڈاکٹر نریش کمار نے کہا کہ بجٹ میں نہ کسانوں کی آمدنی بڑھانے کا کوئی منصوبہ ہے اور نہ ہی دیہی علاقوں کی ترقی کا کوئی واضح خاکہ پیش کیا گیا ہے۔ انہوں نے الزام لگایا کہ حکومت صرف تشہیر کے ذریعے اپنی ناکامیوں کو چھپانے کی کوشش کر رہی ہے۔

آخر میں انہوں نے کہا کہ یہ بجٹ ترقی کا نہیں بلکہ وعدہ خلافی اور نظر انداز کیے جانے کا دستاویز ہے، جس کا جواب عوام آنے والے وقت میں ضرور دیں گے۔