ایل پی جی کی قیمتوں پر اقرا حسن کا مرکز پر حملہ، سنبھل کے سی او کے بیان پر بھی کارروائی کا مطالبہ

اقرا حسن نے طنزیہ انداز میں کہا کہ جس طرح وزیر اعظم لاپتہ ہو گئے ہیں اسی طرح گیس سلنڈر بھی لوگوں کی رسائی سے دور ہوتا جا رہا ہے۔ ان کے مطابق مہنگائی کا سب سے زیادہ اثر غریب اور متوسط طبقے پر پڑ رہا ہے، جن کے لیے گھر کا بجٹ سنبھالنا دن بہ دن مشکل ہوتا جا رہا ہے۔ انہوں نے کہا کہ گھریلو گیس کی قیمت میں اضافہ گھریلو اخراجات کو بری طرح متاثر کر رہا ہے اور لوگ سخت پریشانی کا سامنا کر رہے ہیں۔

اسی گفتگو کے دوران اقرا حسن نے سنبھل کے سی او کے حالیہ بیان پر بھی سخت ردعمل ظاہر کیا۔ انہوں نے کہا کہ اس طرح کے بیانات معاشرے میں تناؤ پیدا کرنے کا سبب بن سکتے ہیں اور اس سے امن و امان کی صورتحال متاثر ہو سکتی ہے۔ ان کا کہنا تھا کہ وہ اس بیان کی مذمت کرتی ہیں اور یہ کوشش معاشرے کے امن و سکون کو متاثر کرنے والی ہے۔