ہندوستان 30 دن تک خرید سکے گا روسی خام تیل، ایران جنگ کے بیچ امریکہ نے دی رعایت

اطلاعات کے مطابق امریکی حکومت نے عالمی تیل بازار پر بڑھتے دباؤ کو کم کرنے کے مقصد سے یہ عارضی اجازت دی ہے۔ کئی مہینوں سے روس کے متعدد تیل ٹینکر سمندر میں کھڑے تھے کیونکہ خریدار اور ادائیگی کے نظام سے متعلق غیر یقینی صورتحال کے باعث ان کی ترسیل رک گئی تھی۔

خبر رساں ادارہ رائٹرز کے مطابق امریکہ کے دو اعلیٰ عہدیداروں نے بتایا کہ واشنگٹن نے روس کے توانائی شعبے پر عائد پابندیوں کے باوجود بعض مخصوص ترسیلات کو آگے بڑھانے کے لیے 30 دن کی عارضی چھوٹ کی منظوری دی ہے۔ اس فیصلے کا مقصد عالمی تیل سپلائی میں ممکنہ خلل کو کم کرنا بھی بتایا جا رہا ہے۔؎