افغانستان اور پاکستان کے درمیان کھلی جنگ، طالبان کا 55 پاکستانی فوجیوں کو مارنے اور طیارہ گرانے کا دعویٰ

دارالحکومت کابل میں جیٹ طیاروں کی پروازوں کی آوازیں سنی گئیں اور مختلف علاقوں میں زور دار دھماکوں کی اطلاعات موصول ہوئیں۔ مقامی ذرائع کا کہنا ہے کہ شہر میں فضا کشیدہ ہے اور سکیورٹی فورسز کو ہائی الرٹ پر رکھا گیا ہے۔

ادھر پاکستان نے اعلان کیا ہے کہ اس کی فضائیہ نے کابل اور قندھار سمیت مختلف مقامات پر فضائی حملے کیے ہیں۔ پاکستانی حکام کے مطابق ان کارروائیوں میں افغان سرزمین پر موجود عسکری ٹھکانوں کو نشانہ بنایا گیا۔ تاہم ان حملوں میں ہونے والے نقصانات کی آزاد ذرائع سے تصدیق نہیں ہو سکی۔