یوتھ کانگریس کے نڈر کارکنوں کے ساتھ ڈٹ کر کھڑی ہے کانگریس: پرینکا گاندھی

ادے بھانو چِب کی گرفتاری کے معاملے پر کانگریس کے دیگر سینئر رہنماؤں نے بھی ناراضی ظاہر کی ہے۔ پارٹی کے سینئر لیڈر کے سی وینوگوپال نے کہا کہ جو لوگ عوام، کسانوں اور عام شہریوں کے حقوق کے لیے آواز بلند کر رہے ہیں، حکومت ان کی بات سننے کے بجائے انہیں دبانے کی کوشش کر رہی ہے۔ انہوں نے کہا کہ جمہوری نظام میں اختلاف رائے کو جگہ ملنی چاہیے۔

کانگریس کے رہنما رندیپ سنگھ سرجے والا نے بھی سخت بیان دیتے ہوئے کہا کہ اگر حکومت کی مخالفت کرنا جرم ہے تو کانگریس کا ہر کارکن یہ جرم بار بار کرے گا۔ ان کے مطابق اختلاف جمہوریت کا بنیادی جز ہے اور اسے دبانا آئینی اقدار کے خلاف ہے۔