دہلی میں پائلٹ بیٹی کی شادی کی تیاری کر رہے خاندان میں ماتم

شامبھوی سال 2022 سے ووی ایس آر وینچرز کے ساتھ فرسٹ آفیسر کے طورپر وابستہ ہوئی تھی۔ انہوں نے ایئر فورس بال بھارتی اسکول میں تعلیم حاصل کی تھی۔ اس کے بعد نیوزی لینڈ میں پرواز کی تربیت لے کر کمرشل پائلٹ کا لائسنس حاصل کیا۔ انہوں نے ممبئی یونیورسٹی سے ایروناٹکس میں بی ایس سی کی پڑھائی بھی مکمل کی تھی۔ ان کے پاس فروزن اے ٹی پی ایل سمیت کئی ایوی ایشن سرٹیفیکیشن تھے۔ پڑوسیوں کا کہنا ہے کہ انہوں نے شامبھوی کی محنت اور ترقی دیکھی تھی۔ ان کے اچانک انتقال نے پورے علاقے کو گہرے صدمے میں مبتلا کر دیا ہے۔ یہ صرف ایک خاندان کا نہیں بلکہ پورے سماج کا خسارہ ہے۔