بی آر ایس کے کارگزار صدر کے ٹی راماراؤ ایس آئی ٹی کے سامنے پیش

پولیس اسٹیشن روانگی سے قبل کے ٹی راماراؤ پارٹی کے ہیڈکوارٹر تلنگانہ بھون پہنچے، جہاں بڑی تعداد میں بی آر ایس کارکنان ان کی حمایت میں جمع ہوئے۔ اس دوران تلنگانہ بھون کے باہر ماحول کچھ دیر کے لیے کشیدہ رہا اور بعض کارکنان کی پولیس اہلکاروں سے نوک جھونک بھی ہوئی۔ پارٹی نے الزام لگایا کہ پولیس نے حد سے زیادہ سختی دکھائی، جس کے خلاف کارکنان نے نعرے بازی کی۔

بی آر ایس کے سینئر رہنما اور سابق وزیر ٹی ہریش راؤ سمیت دیگر پارٹی قائدین بھی کے ٹی راماراؤ کے ساتھ جوبلی ہلز پولیس اسٹیشن گئے۔ پولیس نے کسی بھی ناخوشگوار واقعے سے بچنے کے لیے اسٹیشن کے اطراف کڑی نگرانی رکھی اور کارکنان کو قریب آنے سے روکنے کے لیے بیریکیڈس نصب کیے گئے۔